नक्कल पार्दा भँगेराको ताल होला है (नैतिक कथा)

बडेमानको शरीर भएको हाँसले ढल्की-ढल्की शानसँग हिंडेको देखेर भंगेरालाई पनि त्यस्तै हिंडाइ हिंड्ने आकाङ्क्षा जागेछ। धेरै प्रयास गर्दा पनि शरीरको आकार/तौलले साथ नदिएकोले उसले हाँसको हिडाइ सिक्न सकेनछ र दिक्क मान्दै आफ्नो मौलिक हिंडाइमै फर्कन खोजेछ। तर आफ्नो मौलिक हिंडाइको ताल पनि बिर्सिएकोले ऊ फुत्रुक्-फुत्रुक् उफ्रिएर हिंड्न थालेछ!