हामी बढी सामाजिक हुदैछौं कि कम?

बेडरूमबाट श्रीमानले केछ प्यारी भन्छ 
श्रीमतीले जवाफ दिन्छे फेस्बूक हेरे हुन्छ!
**
पल्लो सिट्मा बोइफ्रेन्ड बस्छ,गर्लफ्रेन्ड ओल्लो-सिट्मा
एउटै बस एउटै अफिस, कुरा गर्छन् च्याट्मा।
** 
पल्लो कोठा बस्ने मान्छे कहिल्यै देखिंदैन
बर्षौं भयो एउटै बसको मानिस चिनिंदैन!
**
दाजु-भाइ, दिदी-बैनी, आमा-बाबु पनि
फेस्बूक खोली सोध्छन् सबै के छ खबर भनी?
**
गाउँघरको च्यान्टेलाई सात-गाउँले चिन्छ
शहरको 'प्याण्टे' भने 'आइप्याड' बोकी हिड्छ!
**
टेक्नोलोजीसंगै हिड्नु आवश्यकै हुन्छ
समाजमा सन्तुलन चाँही मिलाउनै पर्छ!
********

जिन्दगीलाई नजिकै बाट नियाल्दा

निदाएको भएदेखि ब्युँझाउँनु पर्छ 
निदाए झैं गर्नेलाई के ले काम गर्छ?
दुई हातले ताली बझ्छ एक हातले हुन्न 
'टेक फर ग्रान्टेड'गर्नु चाँहि कहिले पनि हुन्न!

जिन्दगीको लामो बाटो हिंड्न जान्नु पर्छ 
पर्या बेला एक-अर्कामा भर-थेग माग्नु पर्छ।
तिम्ले मुट्ठी कस्छौ भने अरुले के गर्ला 
आफैं टाढा बन्दै जाँदा को चैं पास पर्ला?