कारण र असर

समय फेरिएजस्तो छ। ग्रह-दशा कमजोर भएका हुन् कि-साढे सातको शनीले पक्ष्याएको जस्तो! यता बिग्रिएको छ, उता भत्किएको छ, सबै छरपष्ट! न बाटो सोझो छ, न सोझ्याउन मिल्छ। यता मिलाउन खोज्यो उता बाङ्गिन्छ। न भनेको कुरा मिल्छ, न गरेको प्रतिफल आउँछ। न कसैले भनेको मान्छ, न त मनाउनै सकिन्छ! तर होइन, खास कुरा चाँही के रहेछ भने- 
न सीता हरिन्थिन् ,
न रामै सुरिन्थे।
न बाली सुलिन्थ्यो,
न बाँदर झुमिन्थे।
न सेतु बनिन्थ्यो,
न लङ्का जितिन्थ्यो।
नठोसी अगुल्टो
कहाँ अग्नी बल्थ्यो!

September 19, 2014