अनि मात्र देश बन्ला!

खेत जोत्ने खन्नेहरु हिंडे बिदेश तिर 
डि. भी. लिंदै शिक्षक पनि लागे उतै तिर।
विध्यार्थी भै मैले पनि रोजें तेही बाटो
गाउँको खेत बँझिएछ बिरानो भो माटो!
**
खेल्न गाका खेलाडी नि उतै लुकी बस्ने
नेता पनि 'ताक परेमा तिवारी'झैं गर्ने।
राजदूतले उतैबाट पि. आर. बनाएछन्
हाम्रा युवा कलाकार त्यतै हराएछन्!
**
नेताहरु देश भन्दा आफ्नो हुँदो खोज्ने
योग्यतामा भन्दा बढी आफ्नै स्वार्थ रोज्ने।
देश भित्रै उध्योग धन्दा खोल्ने कैले अरे?
सरकारले फ्री टिकट र भिशा दिंदैछ रे!
**
नानाथरी नाटकले देश खस्किंदैछ
भारी मुटु बनाएर युवा बिदेशिन्छ।
यो देशले त्यस्तो नेता कैले जन्माउला?
युवाशक्ति लगाएर देश बनाउला!
**
July 25, 2015
Ann Arbor, MI