शोक-कविता

जेठो भर्खर आठ बर्ष र अरू सानै उमेरका थियौं 
काखे बालक मात्र आठ महिना हुँदा विक्षिप्तै भयौं। 
आमाको दूध खोजी छट्पट गरी रून्थ्यो कि ऊ भोकले
हुन्थे बाबु दु:खी अधैर्य मनले सन्तप्त भै शोकले।
**
यात्रुले भरिपूर्ण सुन्दर थियो डुङ्गा नयाँँ सैरमा
आँधीको खतरा पनि वरिपरी देखिन्नथ्यो रे त्यहाँ।
कालो बादलले अचानक सबै छोपी अँध्यारो भयो
यौटा बज्र प्रहार भो र त्यसले डुङ्गा डुबाइदियो।
**
(शार्दूल विक्रीडीत छ्न्द)

August 18, 2016
Worcester, MA