मेरो नयाँँ बैठक कोठा

बैठक कोठाको झ्याल खुल्लै छ 
परैसम्म बगैंचा देखिएको छ।
म एकटकले हेरिरहेछु। 
बगैंचामा के छैन!
बगैंचामा सबथोक छ!
**
रुख बिरुवाले भरिएको छ 
फूलै-फूलले सजिएको छ 
पोखरीहरूका पानीमा तरङ्गहरू
मनै भरङ्ग पार्ने 'लुसी ग्रे' हरू
बगैंचामा के छैन!
बगैंचामा सबथोक छ!
**
केटाकेटीहरूले
पिङ् खेलेका छन्
चिप्लेटी खेलेका छन् 
अनि 
जोडीहरुले मायाँ-प्रीति साटेका छन्। 
कोही लाजमात्र छोपेर दौडिएका छन्
दर्शकहरू यी द्रिश्यमा रमाएका छन् 
म एउटा दर्शक थपिएको छु!
**
मेरो नयाँँ बैठक कोठाको झ्यालले 
मलाई पूरै बगैचा देखाइदिएको छ!
बगैंचामा सबथोक छ!
आहा! बगैंचामा त सिङ्गो जीवन छ!
**
(नोट: यसले त मलाई कवि बनाउला जस्तो छ!)
________________
जुलाई २९, २०१६
एल्म पार्क, मास्साचुसेट्स