आफ्नै कथा-ब्यथा

मैले पनि पारी पाखा घाँस काटेकै हो 
गीत गाउँदै चौतारीमा मायाँ साटेकै हो।
समयको झटारोले हान्दा पुगें पर 
तर्किएर हिंड्या हैन मलाई विश्वाश गर!
**
ढाड दुख्दा पटुकीले कम्मर कसेर
बेंसी खेत खनेका थ्यौं सँगै बसेर।
ओडारको मुनि बसी मकै भट्मास खाको
हिजै जस्तो लाग्छ अहिले भयो सम्झनाको।
**
दसैं आउँछ,तिहार आउँछ सम्झनाले छुन्छ
कैले काँहीं मेरो मन एकान्तमा रुन्छ।
ज्ञान खोज्दै हिँड्या थिएँ,सुख कैले हैन
अझै पनि संघर्ष त सकिएको छैन!
**
September 04, 2016
Worcester, MA