नेता

ऊ स्टेजमा 'मिनरल वाटर' पिउँदै गर्जियो-
म यो च्याप्टरको अध्यक्ष हुँँ 
त्यो च्याप्टरको सचिब हुँं 
र 
अरु बाँकी सबै च्याप्टरको संयोजक हुँँ।
**
मलाई जिताउनुस्
म
सडकलाई हिमाली पानीले धोइदिन्छु
पहाडलाई स्वीट्जरल्याण्ड बनाइदिन्छु
तराइलाई इजराइल बनाइदिन्छु
देशलाई सिंगापूर बनाइदिन्छु।
र
तपाईंहरुलाई मंगल ग्रहमा पुर्याइदिन्छु!
**
उसले जनताको 'वाह-वाही' पायो
भोट पायो र जीत हात पार्यो।
पद बहाली गर्‍यो
र कुर्सीमा बस्यो!
**
कुर्सी गजबको रहेछ।
बस्ने बित्तिकै 'मेमोरी क्लीअर' हुँँदो रहेछ!
उसले अघी गरेका सबै कुरा बिर्सियो।
दक्षिणबाट एउटा फोन आयो
उत्तर बाट अर्को फोन आयो।
संगीतमय फोनका 'टोन'हरु सँगै
त्यो 'नेता' त
बेढङ्गको नाच पो नाच्न थाल्यो!

**
(December 04, 2015
Worcester, MA)