टिङ्, ट्वाङ्, टुङ्
फोनको घण्टी बज्यो।
एउटा मीठो सपनामा थिएँ
सब भताभुङ्ग भयो!
**
कहिले हुरीले छानो उडायो
र सपना तोडिदियो।
कहिले भालेको 'कुखुरी काँ'ले
सपना बिथोल्यो!
कहिले बालक छोरा-छोरीको
'चि-हाँ, चि-हाँ'ले ब्युँझायो!
यसरी निद्रा खल्बलिएकै छन्
सपना बिथोलिएकै छन्।
**
एकान्तमा एक्लै हुँदा सोच्छु
कुनै त्यस्तो समय आओस्
म नबिथोलिएको सपना देखूँ।
म एउटा सिङ्गो सपना देखूँ।
त्यसो भए पो म भन्न सक्थें-
आज मैले यस्तो सपना देखेँ।
**
जनवरी २०, २०१६
उस्टर, मासाचुसेट्स
No comments:
Post a Comment