भूइँचालो-२

जब ठूलो भूइँचालो जान्छ
जमिन खल्वलिन्छ। 
बाहिर राम्रै देखिए पनि 
भित्रको रूप बदलिन्छ ।
**
यस्तो जमिन फेरि मिल्नु पर्छ
यो सामान्य अवस्थामा फर्किनु पर्छ।
फेरि शक्ति पोखिएर 'शक वेभ' छरिन्छन्
अनि पराकम्पनहरु उत्पन्न हुन्छन् ।
**
पराकम्पनहरु प्राय: स-साना हुन्छन्
तर तिनीहरु खतराजनक हुन सक्छन्।
पहिले हल्लिएका भवनहरु, पुलहरु, पहाडहरु,
पराकम्पनमा भत्किन सक्छन् ।
तिनीहरुले ठूलो क्षती पुर्याउँछन्!
**
पराकम्पनहरु लामो समय रहन सक्छन्
त्यसैले सतर्क भएर बस्नु पर्छ ।
संचारको साधन छेउछाउमै राख्नु पर्छ
जहाँं जसरी सकिन्छ-
सहयोगी समाजको निर्माण गर्नु पर्छ!
**
जुन ०७ , २०१५ 

आन आर्बर, मिचिगन