खैरो-सूट र मित्रता

सँगै पढ्ने साथीको बिहे हुनेभो'

निम्तै नपाए पनि ऊ जन्ती जान तम्सियो!

साथीले उस्लाई एकान्तमा बोलाएर सोध्यो-

'तँसँग खैरो सूट छैन र?'

उसले भन्यो -

'मसँग त सूटै छैन!'

प्रत्युत्तरमा साथीले भन्यो-

'बाले भनेका छन्-

दुलहीका बा पार्टीका ठूला नेता हुन् ,

खैरो सूट नहुनेले जन्ती जान पाउदैनन् रे!

नराम्रो नमान् है!

म तँलाई बिहेपछि कतै रेस्टुरेन्ट्मा ट्रीट दिन्छु नि।'

त्यो 'साथी'त हिंडिसकेछ!

झसङ्ग हुँदै ऊ आफ्नो बाटो लाग्यो!